Lirik lagu Buka Jendela Semaya Tua - Hailey & Wendy

Wendy:
Oh dini mih nuan jawang, bujang aku suba
Dinga mih sada nyawa, ambai nuan nyapa sebana
Tiap ari di perinsa laki enggau idup sekunsi...
Lela luluh ati aku, sesedan nyabak kekisi
Ambik aku ari darung sebayan tu

Hailey:
Sinu seilu ilu ninga sebana sulu lama
Tang aku nadai daya nanjak wong ngena penimba
Baka tapang bisi rembia, baka lubuk bisi baya
Tunjuk manis nuan udah kena rasuk tinchin semaia
Nadai jalai ku nyapai ngenggam jari nuan

Wendy:
Andal ngapa aku meda nuan nyaing muting geraji
Kumbai aku nuan baka libau rentap bujang berani

Hailey:
Anak lelaki mali di peransang nujah nengah duri penguji
Berani nebang berani ngesan sanggup ke tua ngemalu diri

Wendy:
Enda ku nemu nuan buyan enda teambi ke aku
Bula berani nuan sulu ti enda datai kediri empu

Hailey:
Anang rawan nuan intan, enda ku sagi nuan lenyau agi
Enti nuan mutus ati aram tua betaban lari...

Chrs:

Hailey & Wendy:
Aram tua sama sama nampung tali jani tua suba
Buka jendela semaia tua, ti lama enda telenga
Awak ke madu pengerindu tua chiru baka selama
Bejantil baru sepur bungai, meligai ati tua
Tua besumpah idup mati enda mudah beserara

Lirik Lagu Iban: Buka Jendela Semaya Tua - Hailey & Wendy